今集＜廣東話教室＞係第一次同大家見面，本節目將會教大家一D生活中常用o既廣東話生詞，希望可以等大家對廣東話o既文化有更深o既認識。自從去左海記做VM之後，「濕X野」就變成左我o既常用語喇。「濕X野」呢組詞彙變化極多，而且仲可以按唔同o既程度而強化語氣添，今日就等我同大家解釋一下呢組詞彙o既用法啦！

 

首先，一D麻煩而小兒科o既野，我地會稱之為「濕碎野」。做得vm，多濕碎野要煩就預左架喇，正所謂「出黎行，真係好煩！」。貨場亂左要我地去執，張banner跌左落黎又要我地去掛返，呢無無聊聊、濕濕碎碎o既野，就係「濕碎野」喇。

 

其實呢，濕碎野就真係預左，但係有時D野唔係「濕碎野」咁簡單，咁就會變成「濕滯野」。好似D野我早就話左咁做好D，但係我阿Head唔聽，到做左出黎比再高級D o既睇完又話要做返轉頭i之類o既野，又甚至乎係玻璃纖維造o既石頭比人坐穿，擺貨場o既mannequin又會比人屈斷手指等等，最終又係要我地執手尾，呢D麻麻煩煩、濕濕滯滯o既野我地就會稱之為「濕滯野」。

 

但係有D情況之下，「濕滯野」已經唔可以適切地形容事件o既麻煩性，到左呢個時候，即使係好似我呢D咁o既謙謙君子，都要忍唔住要爆粗，咁就會叫呢D野做「濕鳩野」喇。究竟係乜野咁濕鳩呢？就例如話舖頭要整Display Table，訂造又話冇錢，咁就買現成野啦，但係我阿head又買左D騎呢Size o既Display Table返黎，高度只去到正常人類o既膝頭哥，我地砌好晒D檯，做埋姑哩抬埋出去，轉個頭比人見到又話矮得滯kick親D客，於是D檯又掟返入倉，又要買過批新檯，又要再砌過再搬過。其實買兩次o既錢用黎訂造都已經可以造到張好靚o既display table喇，依家新買o個d其實又唔見得有幾靚，仲攪到D舊檯塞晒入倉又冇用，塞到個倉爆晒，正所謂「倉廩實而知禮節」，依家個倉真係唔慌唔實，真係唯有講一句：「正濕鳩！」。類似o既例子真係仲有好多，成日做D野攪到麻麻煩煩，攪屎攪棍，呢D我地唯有稱之為「濕鳩野」喇。

 

各位觀眾睇完今集o既＜廣東話教室＞之後，一定對廣東話有更深入o既了解啦，咁就唔好成日話我用廣東話你地睇唔明啦！今集o既時間又差唔多喇，下次再同大家見面啦，拜拜！！