現在在工作上做的效果圖講求速度, 即使用Scanline做渲染, 都不敢打太多燈, 影的設定也不能太細膩。在家里試了一下用vray渲染, 效果真細膩得多, 但原來出2400x1800的大圖只要5分鐘, 現在就要45分鐘了。

10月1號就係海洋公園哈佬喂正式開始o既日子喇！！之前成日聽阿輝講之前幾年o既setup會有幾忙，不過只要D野交到o向我手上，我一定會將佢攪到唔洗忙o既！據聞上年阿輝佢地setup開左成個星期ot，今年好順利，只係開左兩晚o即，都算係咁啦。

 

 

其實今次攪halloween，同之前o既野一樣，最大o既問題都只係錢，同埋我阿head。錢呢樣野，其實可以好簡單o既，冇錢最多咪唔好做囉，所以有D地方效果差D都冇乜計，o向自己能力範圍以外o既野我係唔會強求o既。反而最麻煩o既，都係我阿Head D Idea。開始design o個陣佢興致勃勃，搵左一大堆reference，雖然d reference又唔係話冇用o既，但係佢成日見到人地D野覺得正就話照搬落去自己D野度，又唔諗下D野做唔做到出黎。大佬，Budget、Timing同Fixing係做decoration最基本o既考慮因素黎架！其實有時見佢咁興致勃勃，都唔好意思掃佢興，不過有時唔狠心D真係盞自己辛苦。有次同佢開會，佢講到天花龍鳳，我終於忍唔住都係要出聲，我話查實跟佢講o既野黎畫Layout我冇所謂，不過final做出黎佢要make sure做得到就得喇。最終，雖然大部份唔work o既idea已經比我呢個做細o既ban左，但係淨低o個少少idea都已經係我地setup set得最辛苦o既部份喇。

 

依家halloween o既decoration由我負責o既部份基本上都已經攪掂晒喇，淨返係阿輝o個D，都進展得好順利。睇見自己做出黎o既野有人欣賞，而且自己又幾滿意，都幾有滿足感o既。唯一最美中不足o既，都係一set我搵師傅造o既南瓜props，完全唔係我想要o既效果，完全失望。不過冇計啦，單野做得咁急，我想跟佢地D production跟得足D都好難。

 

算啦～唔講咁多喇，大家有興趣o既話就去PHOTO 睇下D相啦！

近排愛上左買日本tee，可能因為多左幾個臭錢o向身，所以就身痕啦，見到D日本tee design得咁靚，就忍唔住手要買返件啦！o向云云日本tee當中，我最鍾意o既就係爆裂爛漫娘o既graphic啦！加上佢d tee相比之下冇咁貴，一件幾隻色絲印o既tee大概都係3百幾蚊，淨係買佢o既design同製作都已經物有所值！

 

琴日ice-fire開倉，仲有埋take-5一齊散貨，我同阿雯都特登去掃貨啦！Take-5有好多原本賣成7百幾蚊o既tee依家都係賣3百蚊左右，我本來都好鐘意o個幾款架喇，不過成7百幾蚊喎，梗係買唔起啦！不過依家平成半，雖然都係好貴，但係我就真係忍唔住手要買盡佢喇，琴日最終買左成2千幾蚊Tee呀陰公～！

攪掂熊貓館間舖之後，跟住就幾乎同時要跟兩個project，第一個係summer event o既display同decoration，第二個就係翻新原本我地叫佢做atoll reef shop o既candy shop。呢兩單野呢，我就真係做得幾冇癮喇，summer event其實應該係單大野黎，諗住成個park都洗左幾廿萬黎攪，shop點都有幾皮野掛！點知畫完D Layout報完價出黎樣樣都話貴，又話冇錢，乜都話要cut。sales operation條粉腸仲話諗住用幾千蚊黎做添，佢真係冇d sen屎架！做一間shop o既display都幾千起碼啦！全部shop得幾千蚊不如唔好做啦！！

 

至於candy shop o個單野，layout加報價加埋製作先得半個月時間去做，其實呢個時間之內唔係話做唔到，不過好似趕得唔係好值，如果plan得好d o既話就唔洗咁急去做呢樣野啦。而且上面又話冇錢又唔比時間d師傅做野，加上店內o既design有好多都係我阿head o既idea，我覺得唔係好夾間舖o既design，攪到最後做左出黎我覺得好冇滿足感！好彩店外o既design我自己一手一腳攪掂，所以做出來都幾滿意，唯一o既遺憾就只係門口o個壇野因為冇錢所以做唔到我想要o既效果，加上製作方法同我本來o既原意唔同，所以個logo牌o既配色出到黎變得冇咁sharp，真係冇癮～～～

呢d表情本來係幫一個朋友o既網站整o既，依家改成動態gif，就可以用o向MSN喇!

大家幫手將我o既設計流傳開去啦!

近排返工真係好忙，最主要係忙緊翻新熊貓館。呢單野我第一日去海記做就已經開始出圖，跟住等報價、等批，然後就要同師傅夾野。到今個星期正式開工喇，就晚晚開夜跟工程，都幾辛苦。其實單野做好左，自己都幾有滿足感o既，不過最衰係高層有D粉腸又冇taste又麻煩，本來D白色MU裱左sticker咪幾靚囉，但係有條友講兩句又攪到冇整到，成個空間o既氣氛都差晒。最麻煩呢，都仲係琴日本來差唔多完工架喇，點知又落大雨，外牆D油畫又唔做得，今日又話落雨又唔做得，真係日日都要睇天做人，希望聽日好天可以拿拿林攪掂埋佢啦！