Kui's profilerasaidPhotosBlogListsMore  |  Tools Help |
|
|
June 22 流失的失蹤了 留低的找不著 留戀都只得感慨活下來(給各位超人)
林一峰
我揹起心愛結他 放棄多少好天氣
曾試過通宵達旦 要似他練出好功架 誰教我堅守心中理想 誰用自我找到美麗形象 一結他 一個神話 某天暑假下午 我於家中看電視
那個他傷勢極重 救不到終於不治 頭條新聞太突然了 我飯也不吃走上街 一瞬間 有些東西已經改變 他竟走了 如此匆匆一別 誰都不知怎招架
我整天雙手插袋 球場上你哭得死去活來 那天差點相信 神話必須熄滅 而師長囉唆的教誨 重覆於心中重擊 初次明瞭 為何要珍惜身邊所愛 有更多新聞每天每晚新鮮的轟炸
再上課等到下課 然後又幾個暑假 重重難關不會冷落我 還是要走過 必須發生都發生了 全部都經已不可怕 俞琤不開咪了 王妃跟Prince Charles那婚姻都不可終老
徐小鳳開的演唱會 長裙下那些小子都己長高 流失的失蹤了 留低的找不著 留戀都只得感慨 皇室多麼高貴 也終於走向沒落 漸習慣冷冷看待未來 彭督終於走了 連霑叔都不在 而.com可一不可再
王菲開的演唱會 容易受傷大概再聽不到幾多次感慨 幾多次心急心虛心痛心愛 通通都走過 那一切 仍能憑著回憶活下來 我們 仍能憑著奇蹟活下來 好好 活下來 只是想分享一下
給封塵了的space打掃一下
謹此而已
不過人生確實有太多錯過了不能回來的東西, 就算再有機會聽王菲的演唱會, 應該也不可能再看到竇唯在台上打鼓了吧 November 14 愛似林一峰 vs 愛式近來迷上了一隊名叫農夫的本地的Hip-Hop組合。雖然他們已經推出第三張專輯了, 不過我跟很多人一樣, 開始喜歡他們是因為近來電台經常播的一首「愛似林一峰」。其實呢, 這首歌讓我想起大概十年前, 軟硬天師的那首「愛式」, 感覺兩首歌無論題材還是演繹方法都很相似。當然啦, 十年前香港的HipHop, rap得肯定沒現在的成熟了, 不過論歌詞, 我卻是比較喜歡「愛式」。
愛式
瀟瀟洒洒不是愛嗎? 生生死死先算愛嗎?
瘋瘋癲癲先會愛得漂亮嗎? 簡簡單單不是愛嗎? 輾輾轉轉先算愛嗎? 反反覆覆先會愛得快樂嗎? 你話拖住你手 日日四圍走
時時鍚你仲要晚晚都黎 同你結婚 講一句我願意 但係咁係咪等於我愛你 望住我肯上黎屋企坐
記得我生日 時時送禮物 應承過無論點都會等我 但係咁係咪等於你愛我 開開心心不是愛嗎? 辛辛苦苦不算愛嗎?
真的東西怎會變得這樣假 飄飄忽忽不似愛嗎? 清清楚楚可算愛嗎? 一聲一聲想你會否太假 就算我唔識你 或者你太遲黎
我一個人睇戲 尋晚你同佢擒被 我已經記唔起 我十年無見你 但係咁係咪等於我唔愛你 你著佢件衫 晚晚都咁夜返
任你點樣玩 有幾個俾你揀 你從來無講過 可能我睇錯 但係咁係咪等於你唔愛我 你猜我估 你勝我敗
男界女界 正常係變態 其實我值唔值 到底你識唔識 究竟我地最愛係乜野式 係真定係扮 係軟定硬
係蝕定係賺 係濃定淡 白撞黑紅加綠 抑或藍溝藍 你話愛究竟仲有邊個識 瀟瀟洒洒不是愛嗎? 生生死死先算愛嗎?
瘋瘋癲癲先會愛得漂亮嗎? 簡簡單單不是愛嗎? 輾輾轉轉先算愛嗎? 反反覆覆先會愛得快樂嗎? 你話 係咪咁
我俾你上 你又為我落
你俾我前 又俾我後 我做完就訓 你訓醒就走 但係咁係咪等於你愛我愛你 你話唔俾我住 佢肯俾我食
我要你唔肯 佢係我唔得 你係唔係唔肯 你唔要得唔得 但係咁係咪等於我愛你愛我 瀟瀟洒洒不是愛嗎? 你話...生生死死先算愛嗎?
瘋瘋癲癲先會愛得漂亮嗎? 係咪...簡簡單單不是愛嗎? 抑或...輾輾轉轉先算愛嗎? 反反覆覆先會愛得快樂嗎? 其實... 青青春春 斜紋代表大方
圓點代表爽朗 乾乾濕濕 體貼代表超薄
碎花代表乾爽 深深淺淺 粉紅 真皮 熨金凹凸紋
防水樽禮盒裝 咿咿唈唈 直銷十二碼透明
數碼的確涼 乾濕兩用 "我諗...我都係鍾意你條螢光!" December 04 我們這一代主唱: 黑豹 作曲: 秦勇 作詞: 秦勇 November 15 Torn Between Two LoversThere are times when a woman Before I say another word There's been another man Torn between two lovers You musn't think you failed me Torn between two lovers Couldn't really blame you
因為一次在收音機聽到陳昇的M.B.T.L., 被里面一句Mary between two lover吸引著, 之後一直追源溯流, 才知道了這首1976年的英文老歌。實在不得不佩服Mary MacGregor的歌詞, 一個女子搭上了第三者, 還可以說得如此的理直氣壯, 還可以唱得如此動人。如果我愛的人這樣對我說她愛上了另一個男人, 我還可以對她生氣嗎?
November 03 20歲的眼淚二十歲的燭光 映在你柔美的臉上
驕傲的男人哪 開始了流浪的旅程 也許路上偶爾會有風 風裡依然有我們的歌 二十歲的火光 映在你堅定的臉上 淚乾的男人哪 開始了流浪的旅程 也許路上偶爾會寂寞 溫柔男人用它來寫歌 是二十歲的男人就不再哭泣 因為我們再找不到原因 是二十歲的男人就要會離開 能夠離開所有柔情的牽絆 是二十歲的男人就不該哭泣 因為我們的夢想在他方 到四十歲的時候我們再相逢 笑說多年來無淚的傷痛 沒有哭 只有笑 笑你當年的荒謬 沒有哭 只有笑 笑我一個人走出風中 是二十歲的男人就不再哭泣 讓我們彼此就這樣約定 到四十歲的時候我們再相逢 笑說風花雪月算什麼 沒有哭 只有笑 笑你當年的荒謬 沒有哭 只有笑 笑我一個人走出風中 沒有哭 只有笑 笑你當年留不住 留不住 就罷了 男人的心其實也會痛 近排成日諗起陳昇首<二十歲的眼淚>，又係一首陳昇o既歌。
記得我中學o個陣，無線o向半夜有一個叫「滾石音樂重要情報」o既節目，專播埋晒D香港唔多流行o既台灣歌。唔知點解，o個陣咁好精力，晚晚睇到兩三點先訓。就係咁，我開始鐘意聽陳昇，鐘意聽伍佰。當時四大天王當道，身邊D同學聽o既唔係黎明就係劉德華，一比佢地知道我鐘意陳昇伍佰，就會好似好罪孽深重咁，被視為老餅、騎哩，真係曲高和寡！於是大概由中三中四開始，就一直o向呢種冇人可以分享o既狀態下，沉迷o向自己喜歡o既台灣流行曲里面，慢慢就習慣左用自己o既角度去欣賞自己喜歡o既事物。
後來，去左玫瑰崗讀form 6，唔知點解下學期o個陣，有兩條友o向隔籬班轉左過黎做插班生。由於我份人比較容易對身邊o既朋友感到厭倦，對住班里面D人成個學期，尤其係坐o向我後面o個四個女人，實在令我覺得好煩厭，難得有D新人黎到，就梗係會同佢地social下咁啦。
其中一個插班生叫Gary，如果要形容o既話，文雅D咁講，佢可以話係一條「七姑碌」。坐我後面o個四朵臭花話佢個樣咸咸濕濕咁，都唔多肯同佢講野。o個陣我地上堂基本上都唔會聽書o既，可能因為我地o既成積都屬下下等，大家都無心向學，上堂就係坐埋一齊吹水，乜都講一餐，無聊野咸濕野賤格野，總之就係言不及義o個隻。我都係後來先知，佢老豆竟然係做牧師o既，查實佢自己都唔好意思話比人知自己個牧師個仔，因為同人講親D人o既反應都係「咪玩啦！」。
我相信o向Gary o既DNA里面，一定隱藏左一D令女性厭惡o既密碼。除左坐我後面o個四朵臭花同佢講野都要搵我轉述之外，班上面亦都唔多見有其他雌性動物o向佢週圍出現。咁都未算慘，有一次佢同另外o個個插班生黎我屋企溫書，行經我屋企樓下間7仔，佢地見里面個妹妹仔店員有幾分姿色，就特登入去幫襯。佢地買完野等找錢o個陣，Gary攤定隻手等個妹妹仔找錢o個下，諗住乘機揩下人地隻手仔，點知人地連將D碎銀由高處跌落佢隻手度，又唔見其他人找錢o個陣會咁樣喎。
其實我咁耐以黎男性o既朋友都唔算好多，Gary算係比較夾得黎o既一個。唔知幾時開始，講開大家鐘意聽咩歌，先知大家鐘意聽o既歌都好接近。我同佢成日都會交換CD，自己聽厭o個D就同佢換第二隻，呢種以物易物o既交易方式，當中需要包含好多男人之間豁達o既胸襟，因為好多時我冇咩碟可以換比佢，我就會直接拎左佢D碟唔還，就當左係自己o既，都唔計較得咁多。陳昇o個隻<風箏>就係咁o既情況下同佢交換返黎架喇。＜風箏＞呢隻碟里面o個首<二十歲的眼淚>一直都係我好鐘意o既歌，依家每次聽返呢首歌，我就會諗起Gary話佢最鐘意o個句「到四十歲的時候我們再相逢，笑說多年來無淚的傷痛」。計起上黎，自從F7 Gary考試失敗走左去外國買學位之後，就已經同佢完全失去左聯絡，睇怕我地四十歲o個陣都未必有機會再遇得返。唔知佢依家仲溝唔溝到女呢？破左處未呢？撈緊咩呢？會唔會已經子承父業呢？定係因為溝唔到女所以去左做和尚呢？又唔知佢滿唔滿意自己o既生活呢？
識Gary o個陣，都算係我地人生中最迷惘o既階段。讀書唔成，要為自己o既前途打算，但係又唔知自己有咩比人優勝o既地方，要打算都唔知點算。最後Gary屋企有錢送佢出國讀書，我就留o向香港一邊做野一邊讀design，之後幾年大家o既變化一定好大。如果可以o既話，我真係好希望「到四十歲的時候我們再相逢，笑說多年來無淚的傷痛」，不過唔知會唔會有呢一日呢。 September 07 把悲傷留給自己能不能讓我 陪著你走
早陣子唔知做乜，成日諗起呢首歌。其實每次聽到或者諗起呢首歌，我都會諗起阿Ming，因為呢首歌係我同佢最後一次單獨見面o個陣，臨走o既時候我唱比佢聽o既。諗返都幾老土架，不過o個陣仲細，烚下烚下咁，都老土得起o既！後來過左唔知幾多年，收到阿Ming張帖，仲話要嫁去上海添，o個陣我都同阿雯一齊左幾年咯，感覺真係往事如煙。
本黎呢，我聽日去上海，都諗緊好唔好搵下已為人妻o既阿Ming，因為好似禮貌上都應該say個hi家嘛，但係又唔知阿人妻會唔會唔多想見到我播，所以個心都十五十六。點知早兩日同班冇乜幾可見面o既fd食飯，竟然人妻都o向度喎，原來佢呢排咁得閒走左返黎渡假，仲要係留到我去完上海返番香港o個日佢先返去，當堂唔洗咁煩惱啦！其實咁多年黎，我地都冇乜聯絡咯，所以我都唔知佢會唔會其實覺得我好乞佢憎。對於一個自己曾經深愛過o既人，最終好似如同陌路咁，都幾遺憾架！
琴日再同o個班fd出黎，人妻都有出，今次同佢一齊坐，所以難得地可以同佢認真傾下計。計起上黎，都好似差唔多有十年冇同阿Ming正正經經傾過計咯。琴日傾落，感覺好似將十年黎o既心結都解開左咁。講真，其實我自從同阿雯一齊之後，都已經明白到阿ming其實都唔係真正適合自己o既人，我份人最唔鐘意守規矩架喇，又自我中心，阿ming就規矩多多，又好在乎人地o既眼光，同佢一齊好煩o既。不過琴日同佢傾返計，都覺得佢係一個可以交心o既朋友。我地食完飯一路走一路傾，話題一樣係講唔完，一樣講到唔捨得走，感情o既形式雖然已經改變，但係純真o既心始終不變。
世事真係無常，十幾年前初初識阿ming o個陣我仲係叫佢做ming姐，識佢幾年都唔係好同佢好熟，我點估到幾年之後會係佢教識我咩叫真愛？之後又點估到同佢相處o既日子會咁短，難過o既日子會咁長？再之後，大家都搵到自己o既終身伴侶，我又點估到咁多年之後，都可以再同佢見面，仲可以好似以前咁無所不談？或者，人生最難忘o既可能都係一D悲傷o既事，但係經過歲月o既沈澱之後，保留o向心底o既最終都會變成一串串o既感動。好彩，世事雖然無常，但係往事卻係永恆不變o既。 August 13 鐵塔凌雲主唱: 許冠傑 鐵塔凌雲 望不見歡欣人面
今日放工我同靚女GR一齊走，等車o個陣佢講起平時同男朋友會去行下山睇下戲搵下唔同o既節目咁，幾多姿多彩！講講下講到我同女朋友一齊會做乜，我即刻用極速o向個腦度scan左幾次，始終都諗唔到我地平日實質有D乜野好做。唯一諗到o既就係一齊o向屋企heir，訓覺、發吽哣咁囉。呢D咁唔上進，咁虛渡光陰o既野，當住阿靚女GR面前講出黎，自己都覺得有少少唔好意思。不過，我回憶之中最快樂o既，又偏偏都係同阿雯攤o向地度講下笑、訴下苦之類咁。呢D咁冇意義o既活動，可以話係我所感受到最幸福o既每一刻。正所謂「飯疏食，飲水，曲肱而枕之，樂亦在其中矣」，我星座生肖同血型加加埋埋天生就有一份咁散慢o既性格，如果叫我週圍去我反而會覺得辛苦添。o向人生中能夠搵到一個伴侶一齊享受呢種心靈上o既滿足感，真係幾咁難能可貴！
雖然呢，我其實都幾容易鐘意人o既，幼稚園入學冇耐就已經識得鐘意坐o向班房斜對角o個個女同學，小學一年班就成功擄獲第一個無知少女o既心喇，甚至直到依家，都仲成日背住阿雯掛住其他女仔添。不過，每當我深入咁同其他女仔溝通，就更覺得可以遇到阿雯呢個同自己咁合拍o既女朋友實在係幾咁難得。就好似sam hui o個首鐵塔凌雲咁，遊歷過世界各處之後，始終都係覺得香港最有親切感，雖然我家下成日週圍識女仔，但係咁反而令我更明白阿雯o既可貴。正如已故o既偉大音樂填詞人黃霑先生生前曾經講過：「男人錯在多心，但勝在長情；女人勝在專一，但錯在決絕」。所以呢，阿雯呀……我有時約下其他女仔出街食飯其實反而可以增進我同你之間o既感情架，你信我啦！！！ |
|
|
